ЛАОДИКИЯ

3:14 - И áнгелу лаодикíйскiя цéркве напиши́: тáко глагóлетъ ами́нь {и́же éсть ами́нь}, свидѣ́тель вѣ́рный и и́стин­ный, начáтокъ создáнiя Бóжiя:
3:15 - вѣ́мъ твоя́ дѣлá, я́ко ни студéнъ еси́ ни тéплъ: не да студéнъ бы бы́лъ ни тéплъ {о, дабы́ студéнъ бы́лъ еси́ или́ горя́щь}.
3:16 - Тáко, я́ко обуморéнъ еси́, и ни тéплъ ни студéнъ, изблевáти тя́ от­ ýстъ мо­и́хъ и́мамъ {тáко, понéже тéплъ еси́, и ни студéнъ еси́ нижé горя́щь, и́мамъ тя́ изблевáти изъ ýстъ мо­и́хъ}.
3:17 - Занé глагóлеши, я́ко богáтъ éсмь и обогати́хся и ничтóже трéбую: и не вѣ́си, я́ко ты́ еси́ окая́ненъ и бѣ́денъ, и ни́щь и слѣ́пъ и нáгъ.
3:18 - Совѣщáю тебѣ́ купи́ти от­ менé злáто разжжéно огнéмъ, да обогати́шися, и одѣя́нiе бѣ́ло, да облечéшися, и да не яви́т­ся срамотá наготы́ тво­ея́: и коллýрiемъ помáжи óчи тво­и́, да ви́диши.
3:19 - А́зъ, и́хже áще люблю́, обличáю и наказýю. Ревнýй ýбо и покáйся.
3:20 - Сé, стою́ при­­ двéрехъ и толкý: áще ктó услы́шитъ глáсъ мóй и от­вéрзетъ двéри, вни́ду къ немý и вечеря́ю съ ни́мъ, и тóй со мнóю.
3:21 - Побѣждáющему дáмъ сѣ́сти со мнóю на престóлѣ мо­éмъ, я́коже и áзъ побѣди́хъ и сѣдóхъ со Отцéмъ мо­и́мъ на престóлѣ егó.
3:22 - Имѣ́яй ýхо да слы́шитъ, чтó Дýхъ глагóлетъ цéрквамъ.